美心中菜副總廚師王達新師傅完美利用西蘭花嘅莖部、花球兩部分，創作出開胃前菜同健康時蔬二食！西蘭花莖經過切皮醃製可以做成醬漬西蘭花莖 ，酸甜爽脆，最適合夏天食！而三黃雞嘅雞骨就用嚟熬出濃湯，做出雞骨濃湯浸西蘭花，鮮甜又有營！

牛肉邊、牛舌尖、剩餘壽司飯全部唔好嘥！去片睇吓元気寿司嘅基師傅同Sharon點樣用佢哋嚟創造一道日式壽喜燒牛野球！「惜食」就係為食材搵到最適合佢嘅烹飪方式，大膽嘗試，邊角料都可以變身成為美味料理！

一雞可以有幾味？經過中菜師傅煎皮、起肉、拆骨，一隻三黃雞就變成三道美味料理！就睇下美心中菜副總廚師王達新師傅點樣演繹中菜盡用食材嘅智慧，利用雞肉、雞皮創作出酸甜芝麻雞、脆炸芝麻雞皮呢兩道開胃料理！

平時食蛋卷會剩返好多碎？就等我哋出手拯救！美心西餅嘅培師傅、洲師傅同熹師傅今次利用烘焙剩餘材料——蛋卷碎、海綿蛋糕皮、牛角酥脆製作芝士牛角撻 ，完美賦予食材第二生命！

香脆惹味嘅辣椒油你食過未？美心食品廠嘅William同團隊發揮創意，將廠房日常營運產生嘅麵包皮烘焗成脆脆，連同辣椒、雞油爆炒萃製成辣椒油。呢款香脆麵包雞油辣椒油，既香脆又香辣，超級過癮！

今集有美心餐務部分區廚師張師傅拯救邊角料牛舌尖，創作出一道日式風味嘅汁煮牛脷溫泉蛋丼！雖然冇牛舌芯咁軟腍，但牛舌尖經過切粒蒸煮都可以令纖維軟化，再加入特製醬汁翻炒調味，就可以化身為送飯一流嘅香嫩汁煮牛脷！

阿媽金句：食得就唔好嘥，就連沖完茶嘅茶葉渣都可以唔好嘥！美心西餅東師傅、財師傅同峰師傅就利用紅茶茶葉渣及唔完美嘅甜心酥酥條創作出檸茶甜心酥鬆餅，完美演繹惜食智慧！

召集燒賣關注組！來自魚尚嘅Kim同Joyce諗到將三文魚、赤蝦、魷魚粒等海鮮邊角料化為燒賣餡，炸到金黃色，粒粒都香脆惹味，真係識食又惜食！

邊個話隔夜飯淨係可以炒冷飯？美心西菜部 Sam 師傅就搞搞新意，教大家整 #牛奶米飯Gelato！原來米飯嘅黏性好啱做雪糕，仲可以增添口感，惜食又消暑！